Օգոստոսի 29-ին Գեղարքունիքի մարզի Մարտունի քաղաքի լողափնյա հատվածը վերածվեց իսկական ըմբշամարտի հարթակի։Հայաստանի ըմբշամարտի ֆեդերացիայի և Մենապայքարային մարզաձևերի ասոցիացիայի համատեղ հաստատված կանոնադրությամբ կայացավ Հայաստանի Հանրապետության լողափնյա ըմբշամարտի 3-րդ բաց առաջնությունը։ 
Մրցաշարին մասնակցեցին ազատ և հունահռոմեական ոճի ըմբիշներ, ինչպես նաև աղջիկ մարզուհիներ՝ Հայաստանի տարբեր մարզերից և Երևան քաղաքի հավաքական թիմերից։
Մրցապայքարը թեժ էր առաջին իսկ վայրկյաններից։ Մրցաշարին ընդհանուր առմամբ մասնակցում էր 150 մարզիկ, ինչը գոտեմարտերին հաղորդեց առավել մեծ լարվածություն, անկանխատեսելիություն և իսկական մրցակցային ոգի։
Դիտարժան, համառ ու անակնկալներով լի գոտեմարտերը կոտրեցին օգոստոսյան ամառային տապը՝ Մարտունիի լողափում ստեղծելով իսկական մարզական տոն։Յուրաքանչյուր գոտեմարտ՝ նոր պայքար,
յուրաքանչյուր հաղթանակ՝ նոր հույզ,
իսկ մարզասերներին բաժին հասան անմոռանալի մարզական ակնթարթներ։ 
Սևանի զով օդը, ամառվա վերջին օրերի յուրահատուկ տրամադրությունն ու ըմբշամարտի ողջ հմայքը մեկ վայրում՝ Մարտունիում։ Հայաստանի Հանրապետության լողափնյա ըմբշամարտի 3-րդ բաց առաջնություն — ևս մեկ հիշարժան մարզական օր Հայաստանի մարզական կյանքում։